EDUCACIÓN AMBIENTAL: ¡TAMIÉN PEL IVIERNU!

El pasáu 26 de xineru cellebrose’l Día Mundial de la Educación Ambiental, y, coincidiendo con esta fecha más de 70 organizaciones entregaron un informe nel Congresu los Diputaos solos beneficios d’incluyir la educación ambiental nel Pactu pola Educación. La Educación Ambiental non solo tien grandes beneficios pa la salú, yá que la so práctica dase n’entornos naturales al aire llibre, lo que favorez el bientar de los nuesos nenos y nenes, pero tamién de les persones adultes. Amás, fomenta la capacidá d’observación, capacidá auditiva, creatividá y la capacidá d’análisis, ente otres, por nun falar del trabayu n’equipu que se desendolca con otres persones.

DSC_0009

Les actividaes d’Educación Ambiental suelen tener el so públicu principal durante la primavera. Esto ye debío a que los colexos ya institutos aprovechen el fin de cursu pa facer esti tipu d’actividaes col fin d’asegurar el tiempu, o bien por facer una dispidía grupal del cursu escolar. Ye una época afayaíza pa esti tipu d’actividaes porque se garantiza la climatoloxía, y nun aprieta entá’l calor agobiante del branu. Dende Lláscara querermos romper con esto y reivindicar que la Educación Ambiental ye, y debe ser, pa tol añu.

La Educación Ambiental non solo tien grandes beneficios pa la salú, yá que la so práctica dase n’entornos naturales al aire llibre, lo que favorez el bientar de los nuesos nenos y nenes, pero tamién de les persones adultes. Amás, fomenta la capacidá d’observación, capacidá auditiva, creatividá y la capacidá d’análisis, ente otres, por nun falar del trabayu n’equipu que se desendolca con otres persones.

Cada períodu del añu tien una importancia especial pa dar a conocer el nuesu entornu, y por ello, l’iviernu nun diba ser menos. Si bien, durante l’iviernu, les baxes temperatures nun nos ponen fácil les actividaes al aire llibre, un buen abrigu va facenos disfrutar d’unos paisaxes máxicos. La presencia de ñeve nes montañes fae que los territorios tengan una maxa especial. Amás, ¿por qué nun convertir lo que puede ser un “problema” nun beneficiu? La ñeve permítenos agüeyar meyor antiguos restos glaciares, analizar les formes del relieve y, lo más importante, recargar los nuesos acuíferos, ríos y embalses. Amás, ¿a qué nun sabes cómo y porqué se forma la ñeve? Pues estes son dalgunes bones propuestes pa entamar.

L’iviernu ye tamién un bon momentu pa disfrutar de la biesca. Per un llau, podemos conocer y agüeyar muncho meyor los árboles de fueya perenne (si, esos a los qu’enxamás-yos cae la fueya), yá que ye una bona manera de deprender a distinguilos cuando tamos entamando na práctica del agüeyamientu de flora. Podemos deprender a identificar les especies ‘arboles de fueya caduca pol so tueru, cuando entá nun entamaron a crecer les sos fueyes, y yá tenemos daqué d’especiencia nello. Un bon conseyu pa fixar toos estos conocimientos ye llevar con nós un pequeñu cuadernu de campu onde apuntar toles observaciones que vamos facer nes nueses salíes al campu.

Un bon conseyu pa fixar toos estos conocimientos que deprendemos na naturaleza ye llevar con nós un pequeñu cuadernu de campu onde apuntar toles observaciones que vamos facer nes nueses salíes al campu.

L’iviernu ye tamién una oportunidá pal agüeyamientu de fauna. Ye cierto qu’hai especies que tan más dormíes durante esti períodu, pero otres tan más actives nesi momentu. Por exemplu, aprovechando l’ausencia de fueyes nos árboles, ye mui cenciello agüeyar dalgunes especies de paxarinos que tan más activos a la gueta d’alimentu. Pero al mesmu tiempu, l’iviernu ye un momentu únicu pal agüeyamientu d’especies de páxaros ivernantes qu’aprovechen los nuesos humedales pa descansar y buscar alimentu. Aprovechando l’ausencia de fueyes ye más cenciello contemplar dalgunes especies de mamíferos nes nueses montañes, asina como ver los sos rastros y güelgues.

L’iviernu ye un momentu únicu pal agüeyamientu d’especies de páxaros ivernantes qu’aprovechen los nuesos humedales pa descansar y buscar alimentu.

El recursu rural ye tamién dalgo esencial n’Educación Ambiental. Ye perimportante dar a conocer cómo se producen y d’onde vienen los nuesos alimentos, pero tamién descubrir quién ta tras d’ello. La ganadería, l’agricultura o l’apicultura, ente otres actividaes, tienen diferentes xeres en función de la época del añu na que temos. L’iviernu ye quiciabes la época de menor trabayu nel campu, pero hai otres actividaes importantes qu’hai que facer pa caltener les esplotaciones agroganaderes. Agüeyar los corderinos recién nacíos corriendo pelos campos ye daqué fantástico que toles persones deberíen esperimentar.

Dende equí, queremos reiterar el nuesu compromisu cola Educación Ambiental y colos profesionales y compañeros que desendolquen esti trabayu, non solo porque tamién forma parte del nuesu trabayu y la nuesa vida, sinon porque ye la ferramienta fundamental de concienciación ambiental y social. La Educación Ambiental ye un pilar fundamental pa contribuyir a construyir el cambiu y algamar l’ansiáu desarrollu sostenible. Gracies a ella podemos lluchar escontra la pérdida de biodiversidá, el cambiu climáticu o la deforestación, ente otros problemes ambientales. La Educación Ambiental ye una ferramienta fundamental pa cambiar el mundu.

La Educación Ambiental ye un pilar fundamental pa contribuyir a construyir el cambiu y algamar l’ansiáu desarrollu sostenible.

Abrir/Cerrar comentarios

Responder

El to email nun va ser publicáu. Los caxellos riquíos tán marcaes *

Puedes usar estos códigos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>