¿Qué ye Lláscara?

 

Según l’Academia de la Llingua Asturiana (DALLA) una LLÁSCARA ye:

“Piedra qu’asoma en suelu y que nun ta suelta”

“Llábana, piedra llisa y achaplada”

“Piedra que cuartia fácil”

“Terrenu con piedra que cuartia fácil”

 

Esta pallabra ye l’orixe de munchos topónimos n’Asturies, lo que pon de manifiestu como la naturaleza, xeoloxía, la cultura y la tradición tan mui relacionaes ente sí.

Esti nome resume un sentimientu d’amor a un territoriu, y una voluntá de divulgar non sólo el patrimoniu natural, sinon tamién el cultural, como les tradiciones, la música, el folklor, la mitoloxía, la gastronomía, l’agricultura y ganadería, y otros saberes populares. Lláscara ye un requexu onde topanos col nuesu raigañu y defender tolos aspectos que faen únicu y auténticu a un territoriu. Un espaciu onde volver a ser indíxenes de los nuesos pueblos y aldees.

Esti ye’l Blog de Verónica Álvarez Cachafeiro, y pretende ser un puntu d’encuentro pa toles persones qu’amen los sos territorios, los sos paisaxes, la so biodiversidá, la so xeodiversidá y el so paisanaxe. Esti ye un espaciu onde falar de sostenibilidá, mediu ambiente, desarrollu rural, agroecoloxía, turismu sostenible y ecoturismu.

 

 

¡Bienllega@s a Lláscara!

 

 

“Muncha xente pequeña, en llugares pequeños, faciendo coses pequeñes, pueden cambiar el mundu” (Eduardo Galeano)

 

 

 

Abrir/Cerrar comentarios